Poesia di Vincenzo De Bernardo
Hamsik se n’è ghiuto?
No, me pare ch’è turnato,
però, nun s’è cchiù allenato,
ma qual è ‘a verità?
Chisto fatto ‘e “trase e ghiesce”
a mme nun pare, proprio, buono,
proprio a mità d’’a stagione,
cu ‘e cinesi addà giucà?
Io me c’ero affezionato
e cu mme, tant’ata gente,
ca si era nu fetente…,
no, nun ce voglio pensà!
Intanto, ‘o mister… Ancellotti,
se n’addà fa na ragione,
addà truvà ‘a suluzione,
‘o Napule nun po’ aspettà!
